كل اللي محتاج تعرفه عن منظومة Crocoblock قبل ما تشتري: إيه اللي جواها، بتحل مشكلة إيه، وامتى تحتاجها فعلًا وامتى لأ.
يعني إيه Crocoblock؟
Crocoblock مجموعة إضافات لووردبريس بتشتغل مع Elementor ومحرر المكوّنات، هدفها إنك تبني مواقع فيها بيانات حقيقية من غير ما تكتب كود. بدل ما تصمم كل صفحة بإيدك، بتعرّف نوع المحتوى وحقوله مرة واحدة، وتصمم قالب يتكرر لكل عنصر تلقائيًا.
إيه اللي جوا الباقة؟
- JetEngine — قلب المنظومة: أنواع محتوى مخصصة، حقول، علاقات بين المحتوى، Query Builder، وقوائم Listings. لو هتشتري إضافة واحدة بس، هي دي.
- JetSmartFilters — فلاتر بحث وتصفية بتشتغل من غير إعادة تحميل الصفحة: بالسعر، بالمدينة، بالتصنيف.
- JetFormBuilder — نماذج متقدمة بخطوات وشروط، وتقدر تنشئ بيها محتوى أو مستخدمين من الواجهة.
- JetSearch — بحث فوري بنتائج بتظهر وانت بتكتب. البحث في هيدر الموقع ده معمول بيها.
- JetElements وJetTabs وJetMenu — ودجات واجهة إضافية: سلايدرات، تبويبات، قوائم كبيرة.
أمثلة لمواقع بتتبني بيها
- دليل شركات أو أطباء بفلترة حسب المدينة والتخصص.
- منصة عقارات أو سيارات فيها بحث بالسعر والمساحة.
- موقع وظائف أو كورسات فيه تسجيل ولوحة تحكم للمستخدم.
- قاموس أو قاعدة معرفة مترابطة، زي قاموس المصطلحات هنا.
طريقة الشراء
تقدر تشتري JetEngine لوحدها أو تاخد الباقة الكاملة. الأسعار والعروض بتتغير أكتر من مرة في السنة، فراجعها على موقعهم وقت ما تقرر. لو هتستخدم ثلاث إضافات أو أكتر، الباقة الكاملة غالبًا أوفر. اكتشف Crocoblock
بصراحة
لو موقعك صفحات ثابتة — شركة صغيرة، ملف أعمال، صفحة هبوط — مش محتاج Crocoblock، وهتدفع في حاجة مش هتستخدمها. لو فيه بيانات بتكبر مع الوقت وعايز الزوار يبحثوا ويفلتروا فيها، دي أسرع طريقة من غير كود. والعيب الحقيقي إن المنحنى في الأول مش سهل: لازم تفهم الفرق بين نوع المحتوى والحقل والعلاقة قبل ما تبدأ تبني، وده اللي بنشرحه في المقالات بالعربي.